Gloomy Sunday

明無了期沉睡也是福氣
燭光與詩歌感想我早預備
鐘聲裏鮮花似灰燼落一地
這雙腳這麼重終於不必著地
同伴別看好奇能令你們的傷悲
我突然歡喜就這樣長睡不起
Gloomy Sunday

來日了期存在有甚麼驚喜
你在何處在浮生的我多妒忌
蒲公英要死至飛得到目的地
昇起了的 親愛的總有一天墮地
無恨無愛神父別要為此洩氣
掛念誰 永別離到最後亦一起
Gloomy Sunday

別怕 眼睛繼續紅
醒於噩夢中 心再灰
淚還暖 讓我放鬆

從未忘記從前在病房吻你
你亦能笑著問我為何事傷悲
Gloomy Sunday
Gloomy Sunday

Toronto

本來唸住去 Toronto 探人, 一切都準備好, 不過結果都冇去. 或者係冇緣啦. 深深祝你快的好番, 行得走得, 行街行十個鐘都唔攰... Get Well Soon.

搬屋

星期六搬屋, 忙左成日,手軟腳軟, 雖然請左搬運公司, 但係都要落手落腳搬, 真係唔搬都唔知自己咁鬼多野, 差唔多成廿箱, 嚇人! 如果可以, 真係唔想再搬, 勞民傷財呀! 今次搬屋, ok 既, 都好既, 值喎, 起碼開心左, 可能係之前間屋唔太光猛, 不見天日咁, 家陣雖然只係間房, 但係見到陽光, 仲有微風添呀, 人都精神的, 可能呢的就係中國人所講既風水. 哈!

搬完大家都好肚餓, 去左昌順食 lunch, 好味. 食完又番番去 unpack 的野, 支力~ dinner 去左 fuji, 有的似香港既和民, 的野食同地方都幾 ok 架, 不過就覺得有的貴 ^^"

快的出糧啦, 冇錢喇, 月尾, 好窮. 不過, 除左窮之外, 都 ok 丫, 開心呀, 我唸, 日子會慢慢好起來.

打石膏

聽講有人整親, 入左醫院仲打石膏添呀... 唉, 佢一個人响果邊... 我果陣都試過, 真係唔好受... 做乜咁唔小心呀... 擔心~

碎花

風中碎花已累 任由兩打風吹
在遙遠的人 你未明我多苦
掩映燭光有淚 淚流滴進我心裡
月兒為我低垂 最是令人覺空虛

為何留在夢裡總是你
不會分 不會離
唯獨你是我知己
誰人曾在夢裡痛苦你
鎖上心 銷上眉
微笑得多淒美

憂慮加緊張

最近超憂慮加緊張, 星期一至五要番工, 番兩日學, 做功課... 冇心機, 考試, 都唔知點算. 公司個 system 漸上軌道, 其實有的想搵個第二份工, 等個 system stable 左, 做埋的 documentation 就走... 不過都要成半年至一年啦... 又唔想話掉抵就走...

唉, 呢排勁多 assignment, exam, lab 要做, 雖然係我仲意既科目, 仲要係 java 添, 不過, 都係 office code 左成日啦, 放工對住的功課又係 code, 真係有的悶(想吐), 有的唔想讀, 唔係唔識, 其實的野真係幾易, 不過冇心機跟的野, 唔係 tech skill 唔夠, 係冇上堂, 唔知佢要做乜. 講真, 番完八個鐘工再上 lecture, 想唔訓都好難, 尤其係的野識的唔識的, 佢講我識個的, 我悶到訓左, 到佢講我唔識個的, 都訓著左啦... 放工, 支力!

就搬得, 不過就未得閒 arrange 的野, 見到咁多野就煩, 都唔知點拾我啦. 又唔知搵邊間 removal 好喎, 要平靚正!! 算啦, 不如自己搬可以洗少的錢, 財赤丫嘛, 不過, 自己知自己事啦, 一陣又整親... 就大件事喇. 不過真係冇錢... 點解會咁窮架!!!

Siu Pat's Blog

Patrick

ncsi 同事, websams 個 javascript tree object... 勁呀!!
佢都有寫 blog...

討厭加討厭

誰知我內心多苦悶 一切沒法如願
誰知我內心多苦悶 因我甚覺疲倦
但到底這鬥爭沒有完 想逼我改變
有誰會知我心內 有極強信念
從開始至今多考驗 使我步法常亂
從開始至今多考驗 手裡利劍常斷
話到底我了解好清楚 不肯趁風轉
有時我想去屈服 想起也心酸
不可以重覆這怒叫聲 自信他朝一柱擎天
沒法屈膝在苦困前 討厭加討厭

真的, 我不知道該如何橕下去了. 路行了一半, 沒有力再走下去, 進不可, 退不能. 如果命運是安排有個同行的人, 可否讓他早一點出現. 如果命運安排我可以行完這段路程, 可否不要設那麼多障礙. 如果真的要考驗, 可否給我多一點力量. 累了, 很討厭這種失敗, 一事無成, 什麼都沒有的感覺. 我不怕跌倒, 我會爬起來, 只怕趺得太多次, 再沒信心了.

VTR 250

唔開心呀... 上次跌完車之後, 都驚左好耐, 平服唔到... 今日再上番車, 行左陣, 臨入 driveway (上次跌車果度) 又跌....
呢到學電單車真係有的難... 香港好的, 有 instructor, 呢到, 真係由得你死...
家陣好鬼死痛, 又好唔開心... 唔通... 我既 limitation 係 control 唔到架車? 其實香港果陣 ok 架 125, 可能呢架太勁, 250 VTR... 唔得... 哎哎哎.... 痛~~

弦斷有誰聽

昨夜寒蛩不住鳴。驚回千里夢，已三更。
起來獨自繞階行。人悄悄，帘外月朧明。
白首為功名。舊山松竹老，阻歸程。
欲將心事付瑤箏，知音少，弦斷有誰聽？

寂寞的廿五歲生日

寂寞的廿五歲... 說悲傷也超齡吧...
係呀, 就係咁就過左我既廿五歲生日, 一個人也沒見, 一點兒的慶祝也沒有, 沒有蛋糕, 沒有蠟燭, 更加沒有煙花, 一步都冇離開屋企, 坐係我張書木台前, 就咁樣, 九點起左身, 到家陣零晨, 早餐開左樽pancake 醬, 一路煎pancake 一路打機 到下午, 然後開始睇隔世追過兇, 睇到夜晚食左個公仔麵, 之後又繼續睇, 就係咁過左個生日囉. 都係好多電話同message 話祝我生日快樂... 但係, 我真係好想問, 有乜好開心呢? 點先可以快樂呀? 係我之前太幸福, 勁多人同我慶祝, 又勁開心, 走好多埸, 唱好多次生日歌, 食好多個蛋糕.. 家陣, 只好話... 唔慣囉... 或者, 呢個係一個開始.. 慢慢, 慢慢, 之後, 之後, 就會習慣, 然後, 或者可以將自己既生日忘記, 我以前都唔信, 信都唔明, 一個人點會唔記得自己生日架... 家陣, 我明啦... 仲好想唔記得添... 好似平時咁咪好囉, 生乜野日丫.

回港?

其實我覺得都 ok 架... 番香港三個月, 賺到機票錢... 又有得番香港, 有得玩, 唔洗一個人過聖誕... 你話係咪都唸得過呢...

純色 -- 二

是那麼忐忑 始終不敢挽手
冬天與夏季 尚有著一個秋
白與黑之間 七色開始化開
當感覺亂了 尚有然後

純色 -- 一

是那麼純白 簡單一聲你好
將若澀淨化 在燦爛笑容下
沒半點疑惑紫青橙於你心
清晰感覺尚有紅黃藍綠

記得某天送你歸家
我跟你轉身多次笑著 太捨不得
記得某天看到燈飾 我跟你輕觸手臂
永恆就是那一刻

煙．花

每口煙代表一個片段
無聊的思緒 流過每滴淚
都徐徐乍現
吐口煙 不等於刻意紀念
霓虹的光線 停在我身體
可否放鬆點
倘若仍在眷戀
留在心中一份甜
怎可眼看自己步入心淵
熄了煙 沒有渴望被誰發現
忘掉那份甜 無論怎打算
應該放開點

每朵花代表一個片段
無聊的思緒 流過每滴淚
都徐徐乍現
折花瓣 不等於刻意紀念
斜陽的光線 停在我瞼上
可否放鬆點
倘若仍在眷戀
留在心中一份甜
怎可眼看自己步入心淵
花已凋 沒有被別人發現
忘掉那份甜 無論怎打算
應該放開點

拖 ...再拖之後

失去會如何
得到又能怎麼
如若有權做錯
要如何面對因果
既是明白了不應再問
牽得到的手就在面前
還是你亦覺得不是時候
情願繼續再拖輸掉所有

拖

拖得到現在都算是意外
長期面臨備戰
這悶局沒法更改
你若然是有心想接近
怎麼你捨得犧牲所愛
難道我沒有心思沒未來

拖不到未來恐怕經已分開
誰讓你來問責再回頭逐秒更改
你若然沒有心想接近
怎麼你不斬斷所有
誰亦有路轉機只等你開口

從頭試試再做朋友
新鮮感怕會生銹
何來勇氣放任越界
得到一吻怕沒以後
兜兜轉轉繼續遊走
快要道歉然後一個抱憾內疚
怎放手

CL411

I want to fly to San Francisco
期待寄望 也有緊張 不知道
時間亦顛倒 放棄看錶
完全放開心情 也不怕遠路

Here I go, on my way
Everything will be okay
也有一點自欺
我有些東西不急於找到
Los Angeles, Anchorage, Montreal, Toronto
我或會遇到好人 可一再迷途

I'll take my chances from San Francisco

I want to fly to San Francisco
平靜看著茫茫前路 不需急躁
行李每朝都妥當放好
唯獨那陌生版圖有幾個問號 未預計到

But here I go, on my way
And you know I'll be okay
我也差點學會 各有犧牲不要羨慕
Los Angeles, Anchorage, Montreal, Toronto
會有幾多可能性怎說都好

And Here I go, on my way
And I think I'll be okay
也有一點自欺
我有些東西不急於找到
Los Angeles, Anchorage, Montreal, Toronto
我或會遇到好人 可一再迷途
Here I go, on my way
Everything will be okay
我也差點學會 各有犧牲不要羨慕
Los Angeles, Anchorage, Montreal, then who knows?
會有幾多可能性怎說都好

I'll take my chances from San Francisco

盼望的緣份

盼望的緣份

若說愛永遠像枷鎖
願意套上十分傻
願豁出生命　莫笑我痴情
但我永遠也是一個
日子孤單的經過
在這一生中　快樂也一個

緣份永遠要避開我
今天我實在願講和
自己孤單　還要天天唱著情歌
寧願我去發現真錯
但也想親身經過
願豁出生命　願意擔起枷鎖

願意獻上這份真愛
任這世界罵我痴傻
願豁出生命　莫笑我痴情
若我永遠也是一個
問這一生怎麼過
是這麼孤單　快樂也一個

是這麼孤單　愛情避開我

馴情記 - 後感

睇完馴情記, 良久, 心情都唔能夠平復...
個劇刻情故事好, 演繹得亦好. 深深感受到執著, 對愛情既執著, 對理想, 對人, 對事. 也有逃避, 向現實妥協, 現實就好像一個框, 要跳出框框真的不易. 劇中有很多今人懷念既情節, 帶出很多我們都經歷過既猶豫, 決擇. 強烈的代入感... 至今, 仍走不出來.

馴情記

純色	有選擇簡單二元化，這就是青春；曖昧也是甜的。
盼望的緣份	最初，我們驕傲地任性……。
拖	曖昧是痛的。
一支煙的時間	開始明白，有些東西要放手，不過尚未懂得真的放。
植物人	有時你會什麼也不願再想，心情不斷向下墜。這是寂寞。
煙‧花	兩樣都短暫；再捨不得，還是要放過捉不住的東西。
今天應該更高興	感激擁有的，而不埋怨得不到的，這個學問，要走過多少才懂得......
離開是為了回來	結束 = 開始。上路前要收拾的很多，你準備好了嗎？
應該拍下照片	生命是容不下 “早知” 的。要記得的，怎樣都會記得；不值得記的，有證據又如何？
完舞曲	你在找尋什麼？
微涼	你在等待什麼？
19	如果可以重來一次。
The Best is Yet to come	我們都應該相信 最好的尚未來臨。

選購 Notebook 秘技

04開學必備10大 選購 Notebook 秘技
2004年8月23日

各大院校有折扣優惠，當然亦有一定限制，其中以港大的優惠最為便宜，但限制亦最多。至於科大、理大及中大則較好，維修較容易，如科大由PCCW與IBM合作提供優惠，理大則與Samsung及King’s合作。

港大保養條款限制最大
港大Notebook只適用於一年級新生，每人只能購買一部，教職員及其他學生均不會有優惠。當出現問題時，學生要到港大內的IBM Service Center維修及保養，其他IBM維修中心不會受理。另外每年校方均會追查Notebook狀況，由於Notebook是IBM及港大共同提供優惠，所以如有退學情況，校方會收回Notebook或要求學生補回差價，減低學生轉售以獲取利益的機會。

科大中大理大限制少
同樣有IBM Notebook優惠，但科大則與港大截然不同，優惠由PCCW及IBM共同合作提供，價錢較港大貴，但保養彈性高得多。除了一年級新生外，其他學生及教職員亦可有優惠，甚至乎校友亦有，保養與街外買IBM Notebook的條款十分接近。但當要維修時有關方面亦會核對機身編號，並有可能要求學生出示學生證作資料核對。中大及理大保養條款亦與科大相同，好處是較有彈性及有效率，但會增加學生轉售牟利的機會，就網上所見不少平價Notebook出售，就以某間大學為主。

Theresa 即將入讀港大文學院一年級
選擇IBM T42，原因是功能在眾Noteook中最強勁，而且機身大小及重量適中，價錢亦較市面上平許多，流動性反而其次，主要用作做報告及功課為主。據Theresa透露曾有同學賣Noteook賺錢，並且有學校職員以高於優惠價$1,000購買，而自己因有需要當然不會轉售。

陳同學選擇了IBM R50e，儘管Notebook重達2.7KG，但因他較健碩，認為就算在校園間行走亦不算笨重。他指價格比機能及重量更重要，而且覺得Notebook價錢跌價快，型號亦出得快，不需選擇其他。

在科大當日現場所見，在短短的30分鐘內已賣出數十部Notebook，我們在試機室內約略統計過，同時有六部IBM X40、三部T42、兩部R51正在測試，X31由於沒有現貨所以沒有人選擇。

在現場所見除了Notebook，還有寬頻及Printer優惠，科大可即時取機，就算沒有現貨，亦可以在一兩天內取貨。

買機小Tips
買機後相信許多學生均會即場檢查機件及效能，其中最需要檢查自然是LCD，通常多於三點死點便可即時換機。而檢查方法亦很簡單，如沒有任何檢查桯式，可利用Desktop不同底色（黑、白、紅、藍及綠）找出死點。用家亦可執行硬碟重組程式聆聽硬碟機有否異樣，通常有問題的硬碟會較正常者大聲，最後是播放音效、開Notepad檢查所有Key。至於IBM Notebook的檢查則較為方便，可利用內建的PC Doctor全面檢查，各位同學要緊記。

結論：
相信讀者看完今次的選購攻略後，已大概知道如何衡量一部Notebook的身價。LCD佔Notebook成本30%，更高解像度LCD會更昂貴，但普遍14-15" LCD Notebook最抵用。記憶體容量遠比處理器速度來得重要，硬碟機愈高轉速就愈好，而近年802.11g已成為基本連線標準，這幾項準則大家必須緊記。每年各大院校均提供不錯的Notebook優惠，無論怎計都較市場售價便宜許多。雖然選擇品牌不多，但型號均是最新款式，大學生們！不要錯過優惠！

咁多貼士，買Notebook話咁易啦！

Assignment

真對你不起... 要 late submission. 明明有足夠的時間, 坐著發呆... 時間就過去. 今天也太晚了, 明天才做吧... 努力努力, 一定要有好成績呀! XML Paser... 好玩... 不過, 功課與工作不同, 沒有manager 的壓迫, 手腳就慢起來... 明天, 明天一定要完成.

I Love Java

生活就是這樣的, 明明不喜歡ASP, 為著工作的關係, 為著可以交租, 交水電煤, 為著月尾收到那微薄的人工, 不喜歡的, 又如何? 有一段時間沒有寫 JAVA 了, 真怕放下太久, 變得生疏... 真希望可以轉工, 始終, JAVA 才是我杯茶.

Four Days Left

還有四日就是生日了, 今年是打從心底的不想慶祝.
沒有什麼好高興, 沒有什麼好慶祝... 在家發呆一日,
好嗎?